寒菊 電照菊 Origarami 2025｜秋夜最溫柔嘅一盞光
- Alcohood 酒舍
- Oct 14
- 2 min read
寒菊銘釀以百年匠心釀出夜色裡嘅詩，日本SAKETIME 2025全國排名Top 10話題之作。
在日本清酒界，寒菊銘釀近年幾乎等同「新世代職人精神」嘅代表。酒造位於千葉縣九十九里海岸，創立於1883年，至今超過140年歷史。得天獨厚嘅海風氣候，加上堅持小量精釀，令每支酒都充滿層次與細膩香氣。佢哋追求「一杯入魂」，專注釀出能觸動人心嘅作品，而唔只係好飲嘅酒。
寒菊近年喺日本清酒界風頭一時無兩。喺 SAKETIME 2025 年度排行榜上，電照菊 Origarami 2025 排到第7，穩穩踏入全國前十。呢個成績唔只證明釀造功力，更代表市場同清酒迷對寒菊嘅認同。入口嘅果香明亮、香氣乾淨、收結俐落，就算唔係清酒常客，都會自然而然讚一句：「呢支幾好飲喎！」
講到寒菊，就一定要提《電照菊》。呢支酒對好多清酒迷嚟講，係「認識寒菊」嘅起點。今年推出嘅 Origarami（帶酒渣）版本，保留少量酒渣，令酒液更加柔滑、層次更深。入口帶淡淡蜜香同白桃氣息，中段有米旨味，尾韻乾淨爽快，令人一口接一口。
「電照菊」呢個名本身充滿詩意。日本農家會喺夏秋之交，用電燈照亮菊花控制花期，令菊花喺理想時間綻放。寒菊銘釀將呢個意象融入酒造理念，希望酒如同夜空下一盞微光，溫柔照亮秋夜。酒標亦以夢幻金光和柔和夜色呈現呢份意境。
《電照菊 Origarami》雪凍後果香明亮、入口俐落；室溫飲則香氣層次慢慢打開，帶出奶油與米香，豐富而唔膩。配刺身、壽司、芝士，甚至港式小炒都啱，秋夜慢慢細味，最舒服。
對清酒迷嚟講，《電照菊 Origarami 2024》唔只係季節限定，更似秋天嘅一份細膩收藏。寒菊用味道記錄光、風同情感，每一口都令人想慢慢享受。仲未試過寒菊？電照菊絕對係最佳入門。
📍 酒造：寒菊銘釀（Kankiku Brewery）
📍 產地：日本・千葉縣九十九里
📍 酒米：山田錦
📍 精米步合：50%
📍 酒精度：15%
📍 日本酒度：-5（略偏甜）
📍 酸度：1.3
Comments